Սերգեյ Լավրովը հեռախոսազրույց է ունեցել Աբբաս Արաղչու հետ
ՌԴ և Իրանի ԱԳ նախարարները հեռախոսազրույցում քննարկել են հրադադարի խախտումները և Հորմուզի նեղուցի իրավիճակը՝ ընդգծելով լարվածության թուլացման և դիվանագիտական լուծումների կարևորությունը։
Ապրիլի 20-ին Ռուսաստանի Դաշնության արտաքին գործերի նախարար Սերգեյ Լավրովը հեռախոսազրույց է ունեցել Իրանի Իսլամական Հանրապետության արտաքին գործերի նախարար Աբբաս Արաղչիի հետ, հայտնում է Ռուսաստանի արտգործնախարարությունը
Արաղչին Լավրովին տեղեկացրել է Իրանի դիրքորոշման մասին՝ կապված Միացյալ Նահանգների կողմից հրադադարի ռեժիմի խախտումների հետ, ներառյալ Հորմուզի նեղուցի ապօրինի ծովային շրջափակումը և իրանական կոնտեյներային նավի առգրավումը։
Ռուսական կողմը կրկին ընդգծել է հրադադարի պահպանման անհրաժեշտությունը, որը պետք է իրականացվի նախապես համաձայնեցված և պակիստանցի միջնորդների կողմից հայտարարված պայմանների շրջանակում։ Նշվել է նաև դիվանագիտական ջանքերի շարունակման կարևորությունը՝ իրավիճակի անկառավարելի սրման կանխման և զինված հակամարտության վերսկսումը թույլ չտալու նպատակով։
Հաստատվել է Ռուսաստանի պատրաստակամությունն՝ աջակցելու Իրանի և Պարսից ծոցի արաբական երկրների միջև փոխընդունելի պայմանավորվածությունների ձեռքբերումը։
Իրանական կողմը, իր հերթին, հաստատել է իր պատրաստակամությունը՝ ապահովելու համար ռուսական նավերի և բեռների անխափան անցումը նշված ջրային ուղով։
Կարդացեք նաև
Տարածաշրջան29 հուլիսի 2026
Իրանական գազի արտահանումը Հայաստան առնվազն կարելի է կրկնապատկել․Դավիթ Խուդաթյան
«Գազ էլեկտրաէներգիայի դիմաց ծրագրի շրջանակում իրանական գազի ծավալները հնարավոր է առնվազն կրկնապատկել»,- ասել է նախարար Խուդաթյանը։
Տարածաշրջան28 հուլիսի 2026
Արցախում ականապատ տարածքներում հրդեհներ են բռնկվել
Հրդեհաշիջման աշխատանքները շարունակվում են։
Տարածաշրջան28 հուլիսի 2026
Թուրքիան սկսել է Աքյաքա-Գյումրի հատվածի վերականգնումը
«Թուրքիայի նախագահի հանձնարարականով և Տրանսպորտի նախարարության համակարգմամբ արդեն իսկ աշխատանքներ են սկսվել սահմանային անցակետերը, երկաթուղային ենթակառուցվածքները սահմանի բացմանը նախապատրաստելու համար»։