Սասուն Միքայելյանը՝ ցեղասպանության, սահմանազատման և տարածաշրջանային գործընթացների մասին

ԵԿՄ նախագահ Սասուն Միքայելյանը լրագրողների հետ զրույցում ասել է, որ իր համար Հայոց ցեղասպանության վերաբերյալ որևէ հարցական չկա՝ ընդգծելով. «Ո՞նց կարող է հարցական լինել, ցեղասպանություն է եղել»։

Վերջինս այդ թվում ընդգծել է՝ Հայաստանի համար առաջնայինը պետք է լինի սահմանազատման գործընթացը և խաղաղության պայմանագրի ստորագրումը։

Թուրքիայի դրոշի այրման վերաբերյալ Միքայելյանը նշել է, որ դա համարում է որոշակի քաղաքական ակցիա՝ կապված ընթացիկ գործընթացների հետ, հավելելով, որ այս փուլում անհրաժեշտ է ավելի զուսպ գործել։

Միևնույն ժամանակ Սասուն Միքայելյանը ընդգծել է, որ Հայաստանը չի հրաժարվում պահանջատիրությունից։

ԵԿՄ նախագահը նաև հերքել է որոշ տեղեկություններ սահմանային միջադեպերի վերաբերյալ և նշել, որ կան տարածքներ, որոնք պետք է վերադարձվեն Հայաստանին՝ հիշատակելով Ջերմուկն ու Արծվաշենը։