Ռուսթավիում ադրբեջանցի հովիվների և ոստիկանության բախում՝ բողոքի ակցիայի ընթացքում

Ռուսթավիում ադրբեջանցի հովիվներն ու անասնատերերը բողոքի ակցիա են անցկացրել՝ պահանջելով հատուկ ճանապարհներ հատկացնել կենդանիներին լեռնային արոտավայրեր տեղափոխելու համար։

24News.ge-ի փոխանցմամբ՝ հովիվները նշում են, որ յուրաքանչյուր սեզոն կենդանիներին տեղափոխում են արոտավայրեր, սակայն հստակ երթուղիների բացակայությունը լուրջ խնդիրներ է ստեղծում։ Նրանց խոսքով՝ անցուղիների մեծ մասը մասնավորեցված է, և որոշ հողատերեր մեկ հոտի անցկացման համար պահանջում են 500–1000 լարի։

Մայիսի 21-ին նրանք կրկին հավաքվել էին քաղաքի ավտոկայանի հարակից տարածքում՝ պահանջելով պետական միջամտություն և կենդանիների տեղափոխման համար առանձին ճանապարհի տրամադրում։