Ռուսաստանի հետ հարաբերությունների կարգավորում չի կարող լինել՝ օկուպացիայի պայմաններում. Բոճորիշվիլի

Վրաստանի արտգործնախարար Մակա Բոճորիշվիլին խորհրդարանում հարց ու պատասխանի ժամանակ անդրադարձել է նաև Ռուսաստանի հետ հարաբերությունների հնարավոր կարգավորմանը, հայտնում են վրացական ԶԼՄ-ներ։ 

«Վրաստանի կառավարության վերաբերմունքը հստակ երևում է միջազգային դատարանների 2021-2025թթ․ որոշումներում։ Սրանք մեր միջազգային իրավական պայքարի արդյունքներն են, որոնցով մենք իրավաբանորեն ապացուցում ենք մեր դիրքորոշումները Ռուսաստանի Դաշնության դեմ՝ վրացական շրջանների անօրինական օկուպացիայի վերաբերյալ։ Այս համատեքստում, երբ Վրաստանի տարածքները օկուպացված են Ռուսաստանի կողմից, չի կարող խոսք լինել երկաթուղային երթևեկության կամ դիվանագիտական ​​հարաբերությունների վերականգնման մասին. անտեղի է նաև խոսել չեզոքության հարցի մասին, որը նույնպես կասկածի տակ էր դրվել»,-հայտարարել է Բոճորիշվիլին։