Ռուսաստանը Հայաստանի ընտրություններում «իր սեփական» թեկնածուն չունի

Ռուսաստանը Հայաստանի առաջիկա խորհրդարանական ընտրություններում «իր սեփական» թեկնածուն չունի, նրա համար կարևորը Հայաստանն է։ Այս մասին հայտարարել է ռուս քաղաքագետ Սերգեյ Մարկեդոնովը Sputnik Armenia մուլտիմեդիա հարթակում՝ Մոսկվա-Մինսկ-Երևան-Տաշքենթ տեսակոնֆերանսի ժամանակ։ «Մարդիկ հաճախ հարցնում են. ո՞վ է Ռուսաստանի թեկնածուն Հայաստանում։ Հայաստանն է  Ռուսաստանի թեկնածուն , քանի որ Հայաստանը կարևոր է Ռուսաստանի համար։ Հայաստանի ժողովուրդը պետք է ընտրի այն անձին, ում անհրաժեշտ կհամարի։ Եվ սա շատ ավելի արդարացի և ճիշտ մոտեցում է, քան ինչ-որ մեկին մատնացույց անելը և ասելը. «Սա մեր մարդն է»։

«Շատ ավելի կարևոր մոտեցում է այն, երբ հարաբերությունները երկրի հետ են, այլ ոչ թե կոնկրետ քաղաքական գործչի», - ասել է փորձագետը: Մարկեդոնովը հավելել է նաև, որ  երկկողմ հարաբերությունները երկրների միջև պետք է ավելի պրագմատիկ լինեն,իսկ  հուզական դրսևորումները կարող են վնասակար լինել։