Ռուսական կողմը Հայաստանին առաջարկել է բարձր հզորության ատոմակայանի նախագիծ

Ռուսական կողմը Հայաստանին առաջարկել է բարձր հզորության ատոմակայանի նախագիծ: Այս մասին հայտարարել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը: Տեղեկությունը տրամադրում է«Արմենպրես» -ը:

 Մոսկվան կարծում է, որ այս առաջարկը Հայաստանի համար շատ լավ առաջարկ է և այդ առիթով պաշոնյան ասել է, որ «Ռոսատոմ» պետական ​​կորպորացիան Հայաստանին առաջարկել է բարձր հզորության ատոմակայանի նախագիծ, որը, եթե Հայաստանի ղեկավարությունը ցանկանա, կկարողանա բավարարել երկրի էներգետիկ կարիքները տասնամյակներ, եթե ոչ մեկ դար։

Ռուսական կողմը համոզված է նաև, որ այսպիսով հնարավոր  կլինի ապահովել էլեկտրաէներգիայի ցածր սակագներ վերջնական սպառողների համար, ինչը, ի թիվս այլ բաների, զգալիորեն կխթանի երկրի արդյունաբերական աճը:

Նա հավելել է, որ Ռուսաստանը միջուկային տեխնոլոգիաների ոլորտում համաշխարհային առաջատար է և միշտ պատրաստ է Հայաստանի հետ կիսվել իր զարգացումներով և փորձով էներգետիկայի նման կենսական ոլորտում։ Նրա խոսքով՝ Ռուսաստանը նաև պատրաստ է Հայաստանի հետ կիսվել թվայնացման տեխնոլոգիաներով։