Փրկարարներն օգնության են հասել վիրավոր արծվին

Լոռու մարզում փրկարարները հատուկ գործողություն են իրականացնել՝ վիրավոր թռչնին օգնություն ցուցաբերելու համար։ Այս մասին հայտնում է ՀՀ ՆԳՆ փրկարար ծառայությունը։

•  Հունիսի 19-ին՝ ժամը 16։31-ին, Լոռու մարզային օպերատիվ կառավարման կենտրոն տեղեկություն է ստացվել, որ Ձորագետ գետի ափին վիրավոր արծիվ կա։ Ականատեսները նկատել են, որ թռչնի թևը վնասված է, և նրան անվտանգ տարածք տեղափոխելու համար անհրաժեշտ է մասնագետների միջամտությունը։

• Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարներին հաջողվել է մոտենալ արծվին և նրան անվնաս տեղափոխել հրշեջ-փրկարարական ջոկատ։

Կենդանու մասին հոգ տանելու և համապատասխան բուժօգնություն ցուցաբերելու նպատակով՝ թռչունն արդեն տեղափոխվել է «Հրանտի Արկ» հիմնադրամ, որտեղ նրանով կզբաղվեն մասնագետները։