«Ուժեղ Հայաստան» կուսակցության անդամները հարգանքի տուրք են մատուցել Հայոց Ցեղասպանության զոհերի հիշատակին

«Ուժեղ Հայաստան» կուսակցության խորհրդի անդամ Նարեկ Կարապետյանն ու կուսակցության մյուս  անդամները այցելել են Ծիծեռնակաբերդի հուշահամալիր՝ հարգանքի տուրք մատուցելու 1915 թվականի Հայոց ցեղասպանության զոհերի հիշատակին։

Կարապետյանը և կուսակցության անդամները ծաղկեպսակ են դրել և ծաղիկներ խոնարհել՝ ի հիշատակ անմեղ նահատակների։

Անդրադառնալով օրվա խորհրդին՝ Նարեկ Կարապետյանը կարևորել է Հայոց ցեղասպանության ճանաչման նշանակությունը՝ պատմական արդարության վերականգնման համար։