Որոշ շրջաններում և Երևանում ջերմաստիճանը կհասնի +36–ի. եղանակի տեսություն

Հիդրոօդերևութաբանության և մոնիտորինգի կենտրոնի փոխանցմամբ՝ հուլիսի 23-ին և 25-ին (առավելապես կեսօրից հետո), ինչպես նաև 24-ի գիշերն ու կեսօրին հանրապետության առանձին հատվածներում կգրանցվի կարճատև անձրև և ամպրոպ։ Հնարավոր է նաև կարկուտ։

Հուլիսի 26-27-ին երկրի ողջ տարածքում կդիտվի առանց տեղումների եղանակ։

Ամպրոպների ընթացքում սպասվում է քամու ուժգնացում՝ 16-20 մ/վ արագությամբ։

Բացի այդ, հուլիսի 23-27-ը Արմավիրի մարզում, Արագածոտնի և Կոտայքի նախալեռներում, իսկ 24-27-ը՝ նաև Շիրակի առանձին հատվածներում երեկոյան ժամերին քամու արագությունը կհասնի 15-18 մ/վ-ի։

Օդի ջերմաստիճանն էական փոփոխությունների չի ենթարկվի։

Երևանում հուլիսի 23-ի և 24-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Հուլիսի 25-27-ին տեղումներ չեն սպասվում։

Մինչև հուլիսի 27-ը երեկոյան ժամերին մայրաքաղաքում կդիտվի քամու ուժգնացում՝ 14-17 մ/վ։ Այսօր ցերեկը Երևանում օդի ջերմաստիճանը կհասնի +34...+36-ի, իսկ երեկոյան կիջնի մինչև +28...+30 աստիճան։