Օդեսայի ափերի մոտ ԱԹՍ-ի հարձակման հետևանքով զոհված նավապետի մարմինն ուղարկվել է Ադրբեջան

Օդեսայի ափերի մոտ անօդաչու թռչող սարքի հարձակման հետևանքով զոհված «Atlas Bey» քաղաքացիական առևտրային նավի նավապետ Սամեդ Նասրուլաևի մարմինն ուղարկվել է Ադրբեջան։ Այս մասին հայտնել է Ադրբեջանի ԱԳՆ մամուլի ծառայությունը։

Ըստ տեղեկատվության՝ Ուկրաինայում Ադրբեջանի դեսպանատան կողմից իրականացված համապատասխան հյուպատոսական միջոցառումների և համակարգման աշխատանքների շրջանակներում մարմինը հուլիսի 17-ին ուղարկվել է հայրենիք։