ՆԳՆ ոստիկանության վետերանների խորհրդի տարեդարձին ընդառաջ անցկացվել է շախմատի հուշամրցաշար

ՆԳՆ ոստիկանության վետերանների խորհրդի կազմավորման տարեդարձին ընդառաջ՝ հուլիսի 10-ին, «Դինամո» մարզադաշտում անցկացվել է Հայրենական մեծ պատերազմի մասնակից ոստիկանության վետերանների հիշատակին նվիրված շախմատի հուշամրցաշար։

Մրցաշարի մանրամասները․

•  Մրցումներին մասնակցել են մայրաքաղաքի տարբեր վարչական շրջանները ներկայացնող 9 թիմեր։

•  Խաղերի պրոֆեսիոնալ ընթացքն ապահովել են Երևանի շախմատի ֆեդերացիայի ներկայացուցիչները։

• Մրցաշարն անցել է ընկերական մթնոլորտում և հրաշալի առիթ է դարձել՝ ևս մեկ անգամ արժևորելու ոստիկանության վետերանների ծառայությունն ու թողած ժառանգությունը։

Հուշամրցաշարի ավարտին լավագույն արդյունքներ գրանցած թիմերը ՆԳՆ ոստիկանության վետերանների խորհրդի կողմից պարգևատրվել են գավաթներով, մեդալներով և պատվոգրերով (դիպլոմներով)։