Նախիջևանում մեկ շաբաթում երկու զինծառայող է մահացել. ադրբեջանական ԶԼՄ-ներ

Ադրբեջանական լրատվամիջոցների փոխանցմամբ՝ վերջին մեկ շաբաթվա ընթացքում Նախիջևանում երկու զինծառայող է մահացել: Ըստ նախնական տեղեկությունների՝ երկու դեպքում էլ մահվան պատճառ է հանդիսացել սրտի կանգը, հայտնում են ադրբեջանական ԶԼՄ–ները։

Վերջին դեպքը գրանցվել է հուլիսի 2-ին. զինծառայող Աֆիյադդին Արիֆ օղլու Աբդուլլաևը մահացել է ֆուտբոլ խաղալու ժամանակ՝ սրտի հանկարծակի կանգից։

Դրանից առաջ Նախիջևանի Ինքնավար Հանրապետության Քենգերլիի շրջանում մարզումների ժամանակ սրտի կանգից մահացել էր մեկ այլ զինծառայող՝ 44-օրյա պատերազմի մասնակից Էլվին Փանահովը։

Ըստ ադրբեջանական մեդիայի, թե որքանով հանգամանալից և թափանցիկ կլինի քննությունը, կախված է տվյալ երկրի իրավապահ մարմինների տրամադրած պաշտոնական հաղորդագրություններից և դրանց հետագա հանրայնացումից։