Հայաստան
20 մայիսի 2026 • 10:41
Մխիթար Հայրապետյանը պատասխանեց զենքի արտահանման մասին ստելու մեղադրանքին
Մայիսի 19-ին Մխիթար Հայրապետյանը հայտարարեց՝ ՀՀ–ից առաջին անգամ միլիոնավոր դոլարների հայրենական արտադրության զենք է արտահանվել։
Նախորդ տարիներին արտահանում կա՛մ քաղաքացիական, կա՛մ երկակի նշանակության արտադրանք է արտահանվել։ Այսօր լրագրողների հետ զրույցում ասել է ՀՀ բարձր տեխնոլոգիական արդյունաբերության նախարար Մխիթար Հայրապետյանը` արձագանքելով Ռազմարդյունաբերական կոմիտեի նախկին նախագահ Ավետիք Քերոբյանի հայտարարությանը։
Մայիսի 19-ին Մխիթար Հայրապետյանը հայտարարեց՝ ՀՀ–ից առաջին անգամ միլիոնավոր դոլարների հայրենական արտադրության զենք է արտահանվել։ Ավետիք Քերոբյանը հակադարձեց` հայտարարությունը սուտ որակելով ու նշելով, որ դեռ 2015 թ․-ին մեր տեղական ընկերություններից մեկը մի քանի միլիոն դոլարի հասնող բարձր տեխնոլոգիական ռազմական տեխնիկա է արտահանել ՆԱՏՕ-ի անդամ երկիր։
«Բարձր տեխնոլոգիական արդյունաբերության նախարարության և պաշտպանության նախարարության բազաներում այս պահի դրությամբ տեղեկություն չկա, որ նախկինում նմանատիպ այլ գործարք է եղել։ Կարող եմ հայտնել այն տեղեկությունը, ինչին տիրապետում եմ` արտահանում եղել է, բայց այն եղել է կա՛մ քաղաքացիական, կա՛մ երկակի նշանակության արտադրանք, ինչպես նաև եղել է X ռազմական համակարգի բաղադրիչների արտահանում, պայմանականորեն՝ ՀՕՊ-ի բջիջների արտահանում»,– ի պատասխան ասել է Հայրապետյանը։
Կարդացեք նաև
Հայաստան29 հուլիսի 2026
Փրկարարները Սևանա լճում օգնության են հասել հեծանվանավակով ափից հեռացած երկու քաղաքացու
Քաղաքացիներին անվտանգ մոտեցրել են ափ։
Հայաստան29 հուլիսի 2026
ՀՀ–ում 2 մարդ թրաֆիքինգի է ենթարկել անչափահասին և նրա հորը. ՔԿ
Նրանցից մեկի նկատմամբ որպես խափանման միջոց կիրառվել է տնային կալանքը, մյուսի նկատմամբ՝ բացակայելու արգելքը:
Հայաստան29 հուլիսի 2026
Հայաստանում դեռևս +40 աստիճան տաքություն չի կանխատեսվում. Սուրենյան
Առաջիկա 5 օրն ամենատաք գոտին կշարունակի մնալ Արարատյան դաշտը