Միլանի «Ինտերը» 21-րդ անգամ նվաճեց Իտալիայի չեմպիոնի տիտղոսը

Կրիստիան Կիվուի գլխավորած թիմը 2:0 հաշվով հաղթանակ տարավ «Պարմայի» նկատմամբ: Չեմպիոնական հանդիպման գոլերից մեկը խփեց Հենրիխ Մխիթարյանը: Այս մասին տեղեկանում ենք «Arm Sport-ից»: 

Հայ կիսապաշտպանը գրավեց մրցակցի դարպասը խաղի  80-րդ րոպեին: Մրցավարի եզրափակիչ սուլիչից հետո չեմպիոնական հանդիպման վերջնակետը դրած Հենրիխ Մխիթարյանն ու թիմակիցները հենց խաղադաշտում նշել են պատմական հաջողությունը:  Միլանի փողոցներում ևս մեծ շուքով նշվել է թիմի պատմական հաջողությունը։