Մեկնարկել են Ծիծեռնակաբերդի հուշահամալիրի բարեկարգման 2-րդ փուլի աշխատանքները. Ժաննա Անդրեասյանն այցելել է տարածք

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր այցելել է Հայոց ցեղասպանության զոհերի հուշահամալիր, որտեղ մեկնարկել են տարածքի բարեկարգման երկրորդ փուլի աշխատանքները, հայտնում են ԿԳՄՍ–ից։

Նախարարին ուղեկցել են ԿԳՄՍ նախարարության գլխավոր քարտուղար Հասմիկ Հակոբյանը և Ցեղասպանության թանգարան-ինստիտուտի տնօրենի ժամանակավոր պաշտոնակատար Հրաչյա Թասչյանը։

Ժաննա Անդրեասյանը հեղինակային խմբի և կապալառու կազմակերպության ներկայացուցիչների հետ շրջել է տարածքում, ծանոթացել ընթացիկ գործընթացներին։ Նախարարն ընդգծել է, որ հուշահամալիրի նորոգումը պահանջում է առանձնահատուկ պատասխանատվություն, և կարևորել է աշխատանքների բարձր որակն ու պատշաճ իրականացումը՝ սահմանված ժամկետներում։

Իրականացնել Հավերժության տաճարի ևս երեք մույթերի (սյուների) հիմնանորոգումը,

• Զուգահեռաբար մեկնարկել թանգարանային հատվածի նորոգման աշխատանքները։

 Շինարարական աշխատանքների ամբողջական ավարտը նախատեսվում է մինչև տարեվերջ։ Այս ընթացքում հուշահամալիրը փակ չի լինի և բաց կլինի բոլոր այցելուների համար։