Մասուդ Փեզեշկիանը բարձր գնահատական է տվել Իսլամական համայնքի հետ համերաշխություն պահպանելու Էրդողանի դիրքորոշմանը

Իրանի Իսլամական Հանրապետության նախագահ Մասուդ Փեզեշկիանը իր X-ի միկրոբլոգում շնորհակալական ուղերձ է հղել Թուրքիայի նախագահ Ռեջեփ Թայիբ Էրդողանին։

«Բարձր գնահատականի է արժանի իմ թանկագին եղբոր՝ Թուրքիայի Հանրապետության նախագահ Ռեջեփ Թայիբ Էրդողանի վճռական դիրքորոշումը, որով նա դատապարտում է ագրեսիվ սիոնիստական ռեժիմը։

Եղբայրական թուրք ժողովուրդը երկար տարիներ կարևոր դեր է խաղում իսլամական համայնքի հետ համերաշխության դրսևորման գործում։

Աստծո օրհնությամբ մենք հետագայում ևս կշարունակենք ընթանալ այս արժանի ճանապարհով», — գրել է նա։