Մակրոնը վերահաստատել է Եվրոպայի աջակցությունը Հայաստանի ինքնիշխանությանը և անվտանգությանը

Ֆրանսիայի նախագահ Էմանուել Մակրոնը վերահաստատել է՝ Եվրոպան շարունակում է աջակցել Հայաստանի ինքնիշխանությանը և անվտանգությանը։

Երևանում կայանալիք Եվրոպական քաղաքական համայնքի գագաթնաժողովից առաջ Մակրոնը լրագրողների հետ զրույցում ասել է, որ գագաթնաժողովի շրջանակում նախատեսվում են հանդիպումներ՝ ուղղված Ուկրաինային աջակցությանը, ինչպես նաև Հայաստանի և Մոլդովայի անկախության ու ինքնիշխանության պաշտպանության հարցերին։

«Սա նաև այն Եվրոպան է, որը կառուցում է իր անվտանգությունն ու պաշտպանությունը»,- ընդգծել է Մակրոնը։