Կրուիզային նավում վիրուսի բռնկումից հետո երկու մարդու մոտ հաստատվել է հանտավիրուս

Իսպանիայի Սանտա Կրուս դե Տեներիֆե քաղաքում առողջապահական մարմինները հայտնել են, որ մահաբեր բռնկում արձանագրած շքեղ կրուիզային նավից տարհանված երկու մարդու մոտ հայտնաբերվել է հանտավիրուս, այս մասին հայտնում է Reuters-ը։

 Միևնույն ժամանակ, Իսպանիան երկուշաբթի պատրաստվում էր տարհանել և հայրենադարձել նավում մնացած վերջին ուղևորներին։

MV Hondius նավից տարհանված ֆրանսիացի ուղևորուհու մոտ ևս հաստատվել է վիրուսի առկայությունը, և նրա առողջական վիճակը վատթարանում է, երկուշաբթի հայտարարել է Ֆրանսիայի առողջապահության նախարար Ստեֆանի Ռիստը։