Խոշոր վթար Երևանում․ բախվել են «Mercedes Maybach»-ն ու «Hongqi»-ն, կա 5 վիրավոր

Խոշոր ավտովթար՝ Երևանում. Դավիթ Անհաղթ զբոսայգու դիմաց բախվել են «Mercedes Maybach»-ը և «Hongqi»-ն․ «Maybach»-ը բախվել է կայանված «Toyota»-ին. կան վիրավորներ. իրավապահներն ունեն կասկածներ, որ «Maybach»-ի վարորդն այլ քաղաքացի է եղել.

Մայիսի 17-ին խոշոր ավտովթար է տեղի ունեցել Երևանում։ Ժամը 22:50-ի սահմաններում Դավիթ Անհաղթ-Ուլնեցի փողոցների խաչմերուկում բախվել են Երևանի բնակիչ 51-ամյա Արմեն Գ.-ի վարած «Mercedes Maybach»-ը և Տավուշի մարզի բնակիչ 39-ամյա Արայիկ Մ.-ի վարած «Hongqi»-ն, այս մասին հայտնում է Shamshyan.com–ը։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 5 մարդ տեղափոխվել է Երևանի տարբեր հիվանդանոցներ։ Բախումից հետո «Maybach»-ը հարվածել է նաև ճանապարհի թույլատրելի հատվածում կայանված «Toyota»-ին, որը պատկանում է Կոտայքի մարզի բնակիչ 20-ամյա Սուրեն Դ.-ին։

Դեպքի վայր են ժամանել պարեկային ծառայության և քննչական վարչության աշխատակիցները։ Փաստի առթիվ նախաձեռնվել է քրեական վարույթ, պարզվում են վիրավորների ինքնությունները և վթարի հանգամանքները։

Ըստ նախնական տեղեկությունների՝ իրավապահները կասկածում են, որ «Mercedes Maybach»-ը վարել է այլ անձ, սակայն որպես վարորդ ներկայացել է Արմեն Գ.-ն։

Խոշոր վթար Երևանում․ բախվել են «Mercedes Maybach»-ն ու «Hongqi»-ն, կա 5 վիրավոր

Կիսվել

Կարդացեք նաև

Փրկարարները Սևանա լճում օգնության են հասել հեծանվանավակով ափից հեռացած երկու քաղաքացու

ՀՀ–ում 2 մարդ թրաֆիքինգի է ենթարկել անչափահասին և նրա հորը. ՔԿ

Հայաստանում դեռևս +40 աստիճան տաքություն չի կանխատեսվում. Սուրենյան