Կանադայի արտգործնախարար Անիտա Անանդն այցելել է Ծիծեռնակաբերդի հուշահամալիր

Կանադայի արտաքին գործերի նախարար Անիտա Անանդը, որը վարչապետ Մարկ Քարնիի գլխավորած պատվիրակության կազմում ժամանել է Երևան, այցելել է Ծիծեռնակաբերդի հուշահամալիր, հայտնում է Արմենպրեսը:

Կանադայի ԱԳ նախարարը հարգանքի տուրք է մատուցել Հայոց ցեղասպանության զոհերի հիշատակին՝ ծաղիկներ խոնարհելով անմար կրակի մոտ։

Կանադայի ԱԳ նախարարը շրջայց է կատարել Հայոց ցեղասպանության թանգարանում։
Նրան ուղեկցել է Հայաստանի արտաքին գործերի նախարարի տեղակալ Վահան Կոստանյանը։