Կադաստրի կոմիտեում ինտերնետային կապն ընդհատվել է մալուխի վնասման պատճառով. փաստաթղթերի տրամադրումը հապաղում է

Կադաստրի կոմիտեում մալուխի վնասման հետևանքով խափանվել է ինտերնետային կապը։ Այս մասին պաշտոնական հայտարարություն է տարածել գերատեսչությունը:

Կոմիտեից տեղեկացնում են, որ ստեղծված իրավիճակի պատճառով քաղաքացիներն այսօրվա ավարտական փաստաթղթերը կկարողանան ստանալ միայն կապի ամբողջական վերականգնումից հետո։

«Սպասարկող ընկերության կողմից այս պահին աշխատանքներ են տարվում վթարի հետևանքները հնարավորինս շուտ վերացնելու ուղղությամբ: Հայցում ենք ձեր ներողամտությունը պատճառված անհարմարության համար։ Կապի վերականգնման մասին կտեղեկացնենք լրացուցիչ», — նշված է հաղորդագրության մեջ: