Իսրայելն ու Իրանը կրկին փոխադարձ հարվածներ են հասցրել միմիանց

Իսրայելական բանակը օդային հարվածներ է հասցրել Իրանին այն բանից հետո, երբ իրանական կողմը հրթիռներ է արձակել Իսրայելի հյուսիսային շրջանների ուղղությամբ։ Սա առաջին փոխհրաձգությունն է ապրիլի 8-ի հրադադարից հետո՝ առաջացնելով մտահոգություններ տարածաշրջանային լայնամասշտաբ պատերազմի հնարավոր վերսկսման վերաբերյալ, այս մասին հայտնում է theguardian–ը։

Լարվածության սրմանը միացել են նաև Եմենի իրանամետ հութի ապստամբները՝ հայտարարելով, որ հարվածներ են հասցրել Իսրայելի ուղղությամբ և կթիրախավորեն իսրայելական նավերը Կարմիր ծովում։

Իսրայելի գործողությունները, ըստ հաղորդումների, տեղի են ունեցել՝ չնայած ԱՄՆ նախագահ Դոնալդ Թրամփի կոչերին՝ զերծ մնալ հետագա էսկալացիայից։ Թրամփը իր հայտարարություններում կողմերին կոչ է արել անհապաղ դադարեցնել կրակը։

Իրանական կողմը, իր հերթին, հայտարարել է, որ դժվար է հավատալ Իսրայելի գործողություններին առանց ԱՄՆ-ի համաձայնության։

Իսրայելը հայտնել է, որ հարվածների ընթացքում թիրախավորել է նաև Իրանի պաշտպանական համակարգերը և նավթաքիմիական օբյեկտներ, իսկ Իրանում հաղորդվել են պայթյունների մասին մի շարք քաղաքներում, այդ թվում՝ Թեհրանում և Թավրիզում։