Իրանում կոչ են արել վերացնել Հայաստանի հետ սահմանի «Նորդուզ» անցակետով տարանցման խոչընդոտները

Իրանի ազատ առևտրաարդյունաբերական և հատուկ տնտեսական գոտիների բարձրագույն խորհրդի քարտուղար Հոսեյն Ֆորուզանը «Նորդուզ» սահմանային անցակետ այցելության ընթացքում ընդգծել է Հայաստանի հետ սահմանային տարանցիկ խոչընդոտների վերացման անհրաժեշտությունը։ Այս մասին հայտնում է IRNA գործակալությունը։

Այցի շրջանակում Հայաստանում Իրանի դեսպանությունն իր հերթին կարևորել է երկու երկրների միջև առևտրատնտեսական ու տարանցիկ կապերի խորացումը, ինչպես նաև ԵԱՏՄ շուկաներ մուտքի ընդլայնման հեռանկարները։