Իրանում հարձակումների հետևանքով զոհվել է պահպանության ստորաբաժանման հրամանատարը

Իրանում սպանվել է բնական պաշարների և ջրային ավազանների կառավարման կազմակերպության պահպանության ստորաբաժանման հրամանատար Մաջիդ Զաքարիաեին,  հայտնում է Իրանի Իսլամական հեղափոխության պահապանների կորպուսի հետ փոխկապակցված TASNIM լրատվամիջոցն իր թելեգրամյան ալիքում։

Ինչպես հաղորդվում է, Զաքարիաեին վիրավորվել էր մարտի 28-ին տեղի ունեցած հարձակումների ընթացքում և մահացել մարտի 29-ի գիշերը։

Նա ղեկավարում էր պետական այն կառույցի պահպանության ստորաբաժանումը, որը պատասխանատու է անտառների և ջրային ռեսուրսների պահպանության համար։