Իրանն ու Պակիստանը ամրապնդում են համակարգումը․ Շահբազ Շարիֆը և Մասուդ Փեզեշքիանը անցկացրել են 45 րոպեանոց բանակցություններ։

Պակիստանի վարչապետ Շահբազ Շարիֆը երկարատև հեռախոսազրույց է ունեցել Իրանի Իսլամական Հանրապետության նախագահ Մասուդ Փեզեշքիանի հետ։Շուրջ 45 րոպե տևած զրույցը նվիրված է եղել տարածաշրջանային անվտանգության հարցերին և երկկողմ ռազմավարական գործընկերության ամրապնդմանը՝ ընթացիկ ճգնաժամի պայմաններում, այս մասին հաղորդում է իրանական IRNA գործակալությունը։

Զրույցի հիմնական թեմաներից մեկը եղել է Պակիստանի բանակի հրամանատար, ֆելդմարշալ Սայեդ Ասիմ Մունիրի վերջերս Թեհրան կատարած այցի արդյունքները։

Շահբազ Շարիֆը խորին շնորհակալություն է հայտնել իրանական ղեկավարությանը՝ Պակիստանի բանակի ղեկավարի հետ «կառուցողական և բովանդակալից երկխոսության» համար։

Կողմերը նշել են, որ երկու երկրների զինված ուժերի սերտ համակարգումը առանցքային նշանակություն ունի ընդհանուր սահմանների և ողջ տարածաշրջանի կայունության համար։