Իրանի պատերազմի արձագանքը Վրաստանում. Իրանցի զբոսաշրջիկների թիվը կրճատվել է կիսով չափ

Այցելությունների ամենամեծ անկումը գրանցվել է Իրանից՝ գրեթե 49%։ Այս մասին հայտնում են վրացական ԶԼՄ-ները: Պատճառն Իրան-ԱՄՆ պատերազմն է, որը սկսվել է 2026 թվականի փետրվարին՝ ԱՄՆ-ի և Իսրայելի համատեղ ռազմական հարվածների հետևանքով։ 14%-անոց անկում է արձանագրվել նաև Իսրայելից ժամանած այցելուների շրջանում։

Մերձավոր Արևելքի երկրներից զատ, այցելությունների կրճատում է նկատվել նաև Հնդկաստանից, Ուզբեկստանից, Հայաստանից և Թուրքիայից։ Հնդկաստանից զբոսաշրջիկների թվի նվազումը, թերևս, պայմանավորված է Իրանի պատերազմի պատճառով «IndiGo» ավիաընկերության կողմից չվերթների դադարեցմամբ։

Փոխարենը՝ աճ է գրանցվել Գերմանիայից (26%), Լեհաստանից (17%) և Ուկրաինայից (23%)։

Թոփ-15 երկրները, որտեղից 2026թ. առաջին 6 ամիսներին արձանագրվել է ամենաշատ այցելությունը.

• Ռուսաստան - 610 825 այցելություն (աճը՝ 5%)

• Թուրքիա - 525 380 այցելություն (անկումը՝ 1.5%)

• Հայաստան - 360 050 այցելություն (անկումը՝ 8%)

• Իսրայել - 146 628 այցելություն (անկումը՝ 14.4%)

• Ադրբեջան - 133 345 այցելություն (անկումը՝ 1.4%)

• Ուկրաինա - 69 250 այցելություն (աճը՝ 22.7%)

• Ղազախստան - 66 526 այցելություն (աճը՝ 6%)

• Չինաստան - 54 554 այցելություն (աճը՝ 16.7%)

• Բելառուս - 46 220 այցելություն (անկումը՝ 0.1%)

• Գերմանիա - 40 892 այցելություն (աճը՝ 26.2%)

• Լեհաստան - 39 506 այցելություն (աճը՝ 17.4%)

• Հնդկաստան - 30 554 այցելություն (անկումը՝ 59.7%)

• Իրան - 29 397 այցելություն (անկումը՝ 48.7%)

• Ուզբեկստան - 28 213 այցելություն (անկումը՝ 4%)

• ԱՄՆ - 23 191 այցելություն (աճը՝ 4.4%)

Հատկանշական է, որ այցելուների թիվն ավելացել է Եվրոպական Միության երկրներից (ներառյալ Մեծ Բրիտանիան)։ Տարվա առաջին 6 ամիսներին ԵՄ-ից գրանցվել է ընդհանուր առմամբ 249 201 այցելություն, ինչը տարեկան կտրվածքով 23% աճ է։

Տարվա առաջին կիսամյակում Վրաստանում արձանագրվել է 2 272 964 տուրիստական բնույթի այցելություն, ինչը նախորդ տարվա նույն ժամանակահատվածի համեմատ չնչին՝ 0.1% աճ է ապահովել։