Իրակլի Կոբախիձե. Վրաստանը շատ լավ հարաբերություններ է հաստատել Հայաստանի, Ադրբեջանի և Թուրքիայի հետ

Վրաստանը շատ լավ հարաբերություններ է հաստատել Ադրբեջանի, Թուրքիայի և Հայաստանի հետ։ Ինչպեսս հայտնում են վրացական ԶԼՄ-ները, այս մասին Տաջիկստան կատարած այցի ընթացքում լրագրողների հետ զրույցում հայտարարել է Վրաստանի վարչապետ Իրակլի Կոբախիձեն։

Կառավարության ղեկավարը նշել է, որ Թբիլիսիի հարաբերություններում դրական դինամիկա է նկատվում նաև Կենտրոնական Ասիայի երկրների հետ, ինչը նպաստելու է Վրաստանի տարանցիկ հնարավորությունների ընդլայնմանը։

Կոբախիձեն ընդգծել է, որ Վրաստանը կարևոր տարանցիկ հանգույց է, որը Սև ծովի միջոցով յոթ երկրներ կապում է Արևմուտքի հետ, և հավելել, որ անհրաժեշտ է առավելագույնս օգտագործել այդ պոտենցիալը։ Վարչապետի խոսքով՝ տրանսպորտային կապերն ու տարանցիկ գործառույթներն ամրապնդելու նպատակով երկրում ներկայումս մասշտաբային ներդրումներ են իրականացվում։