Ինչպիսի՞ մայիս է սպասովում. Մանրամասնում է Գագիկ Սուրենյանը

Մայիսին օդի ամսական միջին ջերմաստիճանը հանրապետության ողջ տարածքում կանխատեսվում է կլիմայական նորմայի սահմաններում, տեղումների քանակը՝ նորմայից ավելի, սոցցանցի իր էջում հայտնել է ՇՄՆ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

«Մեզ սպասվում է ոչ սառը, բայց տեղումնառատ մայիս։ Ի տարբերություն ապրիլ ամսվա, զգալիորեն կկրճատվեն ցուրտ օդային հոսանքների ներթափանցման դեպքերը, օդի ջերմաստիճանը և՛ գիշերային, և՛ ցերեկային ժամերին կլինի մոտ 5-6 աստիճանով ավելի բարձր, քան՝ ապրիլին։ Արարատյան դաշտում և Երևանում առավելագույն ջերմաստիճանը կանխատեսվում է +30 աստիճան, որը կդիտվի մայիսի 3-րդ տասնօրյակում»,-նշել է Սուրենյանը։