ՀՀ դրամը դոլարի նկատմամբ ավելի է արժևորվել, քան ռուբլու կամ եվրոյի դեպքում. ԿԲ փոխնախագահ

Հայկական դրամը վերջին շրջանում դոլարի նկատմամբ ավելի է արժևորվել, քան ռուբլու կամ եվրոյի դեպքում, ՀՀ ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ հայտնել է  ՀՀ կենտրոնական բանկի նախագահի տեղակալ Հովհաննես Խաչատրյանը` պատասխանելով «Քաղաքացիական պայմանագիր» խմբակցության պատգամավոր Արուսյակ Մանավազյանի հարցին։

 

Պատգամավոր Մանավազյանը ԿԲ փոխնախագահից հետաքրքրվեց` վերջին շրջանում ինչպիսի՞ն է եղել կանխիկ մուտքերի պատկերը, որքա՞ն է եղել կանխիկի շարժը Հայաստանում, արդյոք դրսից եկած մուտքերը նաև չե՞ն նպաստել արտարժույթի նվազմանն ու դրամի արժևորմանը։

 

Ի պատասխան Խաչատրյանն նշեց՝ ավելի ուշադիր հետևում են դոլարի շարժին և արդյունքում արձանագրել են, որ այն բավականին արժեզրկվել է։