Հայտնի է ՀԷՑ-ի 2026-ի Ներդրումային ծրագրի ընդհանուր բյուջեն

ՀԷՑ-ի ժամանակավոր կառավարիչ Ռոմանոս Պետրոսյանը Ֆեյսբուքի իր  էջում անդրադարձել է Հանրային ծառայությունները կարգավորող հանձնաժողովի հաստատած ՀԷՑ-ի 2026 թվականի Ներդրումային ծրագրի ընդհանուր բյուջեին:

Ռոմանոս Պետրոսըանի տեղեկացմամբ ծրագրի ընդհանուր բյուջեն կազմում է շուրջ 46,7 մլրդ ՀՀ դրամ (առանց՝ ԱԱՀ), որի մոտ 75-80%-ը կազմում են աշխատանքի համար անհրաժեշտ էլեկտրատեխնիկական սարքավորումներն ու տարատեսակ նյութերը:

Ռոմանոս Պետրոսյանը տեղեկացրել է նաև, որ այժմ ինտենսիվ ընթանում են կապալի (շինարարական) աշխատանքների ձեռք բերման մրցույթների ամփոփման և պայմանագրերի կնքման գործընթացները: Ընթացիկ փուլում ՀԾԿՀ կողմից սահմանված՝ ՀԷՑ-ում գնումների կարգավորումներին խիստ համապատասխան և ՀՀ հանրային գնումների օրենսդրությանը առավելագույնս մոտարկված ընթացակարգերով ձեռք են բերվել ավելի քան 12,2մլրդ ՀՀ դրամի ապրանքանյութական արժեքներ, որոնց համար ՀԷՑ-ի 2026թ. գնումների պլանում նախատեսված էր շուրջ 16,7մլրդ ՀՀ դրամ ֆինանսական միջոցներ։