Հայկական գյուղատնտեսական ապրանքներն իսկապես հետաքրքրություն են առաջացրել դրսի շուկաներում․ Արարատ Միրզոյան

Հայկական գյուղատնտեսական ապրանքների համար նոր շուկաների փնտրտուքն իսկապես հետաքրքրություն է առաջացրել՝ ԵՄ շուկան, Կենտրոնական Ասիան, Արաբական երկրները, օրինակ՝ Իրաքը։ Նաև անմիջական հարևանները՝ Թուրքիան օրինակ։ Այս մասին կառավարության այսօրվա նիստին հայտարարել է ԱԳ նախարար Արարատ ՄԻրզոյանը։

«Իհարկե, կան լոգիստիկ խնդիրներ, բայց այդ ամենը վերահսկվում է, և մեծ հաշվով տեղի է ունենում այն, ինչի մասին երկար ժամանակ խոսում էինք ու պլանավորում էինք․   ․տեղի է ունենում բազմազանեցում՝ հայկական ապրանքների արտահանման, սպառման շուկաների, և ես ուզում եմ փոքր լավատեսություն հաղորդել այս գործընթացին։ Եվ այն խնդիրները, որոնք առկա են՝ լոգիստիկ և այլն, արագ հաղթահարվելու են և մենք ունենալու ենք ավելի լավ արդյունքներ, քան ունեցել ենք նախկինում»,- ասել է Արարատ Միրզոյանը