Հայաստանի կանանց թենիսի հավաքականը 3։0 հաշվով հաղթեց Ադրբեջանի թիմին Բիլի Ջին Քինգի գավաթում

Հայաստանի կանանց թենիսի հավաքականը Սան Մարինոյում ընթացող Բիլի Ջին Քինգի գավաթի 3-րդ ենթախմբի առաջին տուրում 3։0 հաշվով առավելության է հասել Ադրբեջանի հավաքականի նկատմամբ, այս մասին հայտնում է Հայաստանի թենիսի ֆեդերացիան։

Մենախաղերում Անի Ամիրաղյանը հաղթել է 6։0, 6։0 հաշվով, իսկ Էլինա Ավանեսյանը՝ 6։3, 6։2 հաշվով։ Զուգախաղում Մարիա Ազիզյանն ու Ալինա Սողոմանյանը հաղթել են 6։2, 6։1 հաշվով։