Հանդիպել են ՀՀ գլխավոր դատախազ Աննա Վարդապետյանը և Վրաստանի վարչապետ Իրակլի Կոբախիձեն

Վրաստանի վարչապետ Իրակլի Կոբախիձեն հանդիպել է ՀՀ գլխավոր դատախազ Աննա Վարդապետյանի հետ։

Հանդիպմանը քննարկվել են Վրաստանի և Հայաստանի միջև ռազմավարական գործընկերությանը և տարբեր ոլորտներում արդյունավետ համագործակցությանը վերաբերող հարցեր։

«Ընդգծվեց Հայաստանի և Վրաստանի միջև իրավական ոլորտում համագործակցության և համատեղ ջանքերի կարևորությունը, այդ թվում՝ միջազգային կազմակերպված հանցագործության դեմ արդյունավետ պայքարի ուղղությամբ»ՙ-ասվում է Վրաստանի կառավարության աշխատակազմի մամուլի ծառայության տարածած հաղորդագրության մեջ  ։

Զրույցի ընթացքում անդրադարձ է եղել երկկողմ բարձր մակարդակի այցելությունների դինամիկային և նշվել է, որ կանոնավոր երկխոսությունը նպաստում է հարաբերությունների հետագա խորացմանը։

Հանդիպմանը մասնակցել են Վրաստանի գլխավոր դատախազ Գիորգի Գվարակիձեն և կառավարության աշխատակազմի ղեկավար Լևան Ժորժոլիանին: