Գոռ Մինասյանը հաղթեց համաշխարհային ռեկորդ սահմանած իրանցուն՝ հռչակվելով Ասիայի եռակի չեմպիոն

Հնդկաստանում անցկացվող ծանրամարտի Ասիայի 2026 թվականի առաջնությունում Բահրեյնը ներկայացնող Գոռ Մինասյանը դարձել է չեմպիոն, այս մասին հայտնում է armsport.am-ը։

+110 կգ քաշային կարգում 31-ամյա ծանրորդը երկամարտում գրանցել է 457 կգ արդյունք և կարիերայում երրորդ անգամ նվաճել Ասիայի չեմպիոնի տիտղոսը։

Մինասյանի հիմնական մրցակիցը՝ Իրանի ներկայացուցիչ Ալիռեզա Յուսեֆին, երկամարտում հավաքել է 445 կգ և արժանացել արծաթե մեդալի։ Նա հրում վարժությունում բարձրացրել է 261 կգ՝ սահմանելով համաշխարհային ռեկորդ։ Բրոնզե մեդալը նվաճել է Հարավային Կորեայի ներկայացուցիչ Սոն Յոն Հվանը՝ 416 կգ արդյունքով։

Հատկանշական է, որ Մինասյանի 457 կգ արդյունքը 6 կգ-ով գերազանցել է այն ցուցանիշը, որով հայաստանցի Վարազդատ Լալայանը դարձել էր Եվրոպայի չեմպիոն։