Ղազախստանի թիմի հետ խաղից առաջ ուսումնամարզական հավաք է

Հունիսի 1–ին Հայաստանի ազգային հավաքականը սկսել է ուսումնամարզական հավաքը՝ նախապատրաստվելու առաջիկա ընկերական խաղերին։

Հրավիրված բոլոր խաղացողները միացել են ընտրանուն, բացառությամբ Նարեկ Գրիգորյանի: Ռումինական «Ֆարուլի» կիսապաշտպանը Երևան կժամանի հունիսի 2-ին:

Հիշեցնենք՝ հունիսի 6-ին Հայաստանի ազգային հավաքականն ընկերական խաղում Վազգեն Սարգսյանի անվան «Հանրապետական» մարզադաշտում կընդունի Ղազախստանին: 3 օր անց՝ Մոլդովային: