Գերմանիան գերազանցեց Բրազիլիայի ռեկորդն աշխարհի առաջնություններում

Ֆուտբոլի Գերմանիայի հավաքականը ռեկորդ է գրանցել աշխարհի առաջնություններում խփած գոլերի ընդհանուր քանակով։

Գերմանացի Յուլիան Նագելսմանի գլխավորած թիմը խմբային փուլի առաջին տուրում 7:1  հաշվով հաղթել է Կյուրասաոյի թիմին։

Նշենք, որ Գերմանիայի հավաքականն աշխարհի առաջնություններում գոլերի քանակը հասցրեց 239-ի։

Գերմանիան մեկ գոլով գերազանցեց Բրազիլիայի ռեկորդը։ Նույնանման ցուցանիշով առաջին հնգյակում են Արգենտինան (152), Ֆրանսիան (136) եւ Իտալիան (128)։

Երկրորդ տուրում Գերմանիան հունիսի 20-ին կմրցի Կոտ դ’Իվուարի հետ։