ՖԻՖԱ-ն սահմանում է նոր կանոններ, որոնք ուժի մեջ կմտնեն 2026 թվականի աշխարհի առաջնության ժամանակ

Ֆուտբոլի միջազգային ասոցիացիաների ֆեդերացիան (ՖԻՖԱ) նոր կանոններ է մցնում, որոնք արդեն կգործեն 2026 թվականի աշխարհի առաջնությունում։ Газета.Ru-ի փոխանցմամբ՝ ՖԻՖԱ–ն սահմանում է 5 նոր փոփոխություն։

Խաղի ընթացքում փոխարինվող խաղացողը պետք է 10 վայրկյանի ընթացքում լքի խաղադաշտը։ Եթե այդ սահմանը գերազանցվի, ապա նրան փոխարինող ֆուտբոլիստը պարտավոր կլինի ևս մեկ րոպե սպասել։ Աուտ նետումների և դարպասից հարվածների համար թիմերին կտրվի առավելագույնը 5 վայրկյան։

Բժշկական օգնություն ստանալու դեպքում խաղացողը պետք է մեկ րոպեով լքի խաղադաշտը, եթե դրվագը կապված չէ քարտով պատժվող խախտման հետ։ Տեսաօգնության համակարգը (VAR) կկարողանա միջամտել վիճելի անկյունային հարվածների և երկրորդ դեղին քարտերի դեպքում։ Այժմ մրցավարին բացատրություն խնդրելու իրավունք կունենա միայն թիմի ավագը։

Աշխարհի առաջնությունը կանցկացվի ԱՄՆ-ում, Կանադայում և Մեքսիկայում՝ հունիսի 11-ից մինչև հուլիսի 19-ը։ Ավելի վաղ հաղորդվել էր, որ Մերձավոր Արևելքում հակամարտության սրման և դրանում ԱՄՆ-ի մասնակցության ֆոնին Իրանի հավաքականը կարող է հրաժարվել մասնակցել աշխարհի առաջնությանը։ Ավելի ուշ հայտնի դարձավ, որ Իրանում ՖԻՖԱ-ի հետ քննարկում են թիմի խաղերը ԱՄՆ-ից Մեքսիկա տեղափոխելու հնարավորությունը։