Ֆեյսբուքում խուլիգանություն կատարած անձի նկատմամբ հարուցվել է հանրային քրեական հետապնդում

Լոռու մարզային քննչական վարչությունում քննվող քրեական վարույթով պարզվել է, որ 2026 թվականի մայիսի 9-ին Ա.Օ.-ն ֆեյսբուքյան իր էջում հրապարակել է 61-ամյա Հ.Մ.-ի լուսանկարով և անպարկեշտ արտահայտություններ պարունակող տեսանյութ, այս մասին հայտնում է ՀՀ քննչական կոմիտեն։

Ըստ ՔԿ-ի՝ հրապարակումը կատարվել է վերջինիս քաղաքական հայացքների և «Քաղաքացիական պայմանագիր» կուսակցությանը սատարելու պատճառով։

Ա.Օ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 3-րդ կետով՝ տեղեկատվական կամ հաղորդակցական տեխնոլոգիաների օգտագործմամբ խուլիգանություն կատարելու հատկանիշներով։

Որպես խափանման միջոց կիրառվել է տնային կալանքը։ Նախաքննությունը շարունակվում է։