Երկրաշարժ Կարս քաղաքից 43 կմ հյուսիս

Ապրիլի 28-ին Կարս քաղաքից 43 կմ հյուսիս գրանցվել է 3.9 մագնիտուդով երկրաշարժ, որը զգացվել է նաև Շիրակի մարզում՝ Գյումրիում և մի շարք գյուղերում՝ 2–3 բալ ուժգնությամբ։

ՀՀ Ներքին գործերի նախարարության Փրկարար ծառայությունը հայտնում է, որ այսօր ապրիլի 28-ին` տեղական ժամանակով ժամը 16:02-ին (Գրինվիչի ժամանակով` ժամը 12։02-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40․98⁰ և արևելյան երկայնության 43․10⁰ աշխարհագրական կոորդինատներով Թուրքիա՝ Կարս քաղաքից 43 կմ հյուսիս, օջախի 10 կմ խորությամբ 3․9 մագնիտուդով երկրաշարժ։

Էպիկենտրոնային գոտում ստորգետնյա ցնցման ուժգնությունը կազմել է 5 բալ:

Երկրաշարժը զգացվել է Շիրակի մարզի Գյումրի քաղաքում, Ամասիա, Զարիշատ, Վահրամաբերդ և Մարմաշեն գյուղերում՝ 2-3 բալ ուժգնությամբ: