Երևանում մեկնարկել է Մեծ հաղթանակի 81-րդ տարեդարձին նվիրված ֆուտզալի սիրողական մրցաշարը

Երևանում մեկնարկել է ֆուտզալի սիրողական մրցաշարը՝ նվիրված Մեծ Հաղթանակի 81-րդ տարեդարձին: Մրցաշարն անցկացվում է արդեն երրորդ տարին, դրան կարող են մասնակցել տարբեր կազմակերպություններ, որոնք ցանկանում են սպորտի միջոցով ծանոթանալ, ընկերանալ և միասին վառ պահել Հայրենական մեծ պատերազմի հիշատակը։

 

Հաղթողներին ու մրցանակակիրներին գավաթը և մեդալները հանձնում են Հայրենական մեծ պատերազմի վետերանները:

 

«Անցյալ տարի մեր պատվավոր հյուրերն էին վետերաններ Ռոզալիա Սերգեյի Աբգարյանը և Պետրոս Արտաշեսի Պետրոսյանը», - հայտնել է «Թովմասյան» մշակութային հիմնադրամի տնօրեն Էդգար Մովսիսյանը։

 

Նրա խոսքով՝ մրցաշարին կարող են մասնակցել բոլոր ցանկացող սիրողական թիմերը, այդ թվում՝ արտասահմանյան կազմակերպություններից (ներառյալ դիվանագիտական ներկայացուցչությունները):