Ընդդիմադիր «Տիսա» կուսակցությունը հաղթել է Հունգարիայում անցկացված ընտրություններում։ Օրբանը շնորհավորել է Մադյարին հաղթանակի կապակցությամբ

Հունգարիայում անցկացված ընտրությունների արդյունքներով ընդդիմադիր «Տիսա» կուսակցությունը, որը ղեկավարում է Պետեր Մադյարը, ոչ միայն հաղթել է, այլև կարող է ստանալ սահմանադրական մեծամասնություն խորհրդարանում։ 16 տարի իշխանության ղեկին գտնվող վարչապետ Վիկտոր Օրբանը իր «Ֆիդես» կուսակցության հետ արդեն ընդունել է պարտությունը և խոստացել շարունակել գործունեությունը՝ գտնվելով ընդդիմությունում, այս մասին տեղեկացնում է BBC News –ը։

Չսպասելով ձայների վերջնական հաշվարկին՝ Վիկտոր Օրբանը հայտարարել է, որ արդեն շնորհավորել է Պետեր Մադյարին հաղթանակի կապակցությամբ։ Նա նշել է, որ ընտրությունների արդյունքները պարզ են՝ դրանք անվանելով «ցավոտ», և ավելացրել, որ «Ֆիդես» կուսակցությունը կշարունակի ծառայել Հունգարիային՝ գտնվելով ընդդիմությունում։

Ընտրություններին արձանագրվել է բարձր մասնակցություն՝ շուրջ 74%։ Մադյարը հայտարարել է, որ «Տիսա»-ն և ժողովուրդը միասին հաղթեցին՝ ընդգծելով, որ դա պատմական արդյունք է։

Վերջնական արդյունքները կհաստատվեն մինչև ապրիլի 18-ը։