Դեպի Հայաստան զբոսաշրջային այցելություններն ապրիլին ավելացել են

2026 թվականին դեպի Հայաստան եկող զբոսաշրջիկների թիվը նախորդ տարվա համեմատ ավելացել է: Եվ այսպես, եթե  2025 թ․-ի ապրիլին Հայաստան է ժամանել 123 705 զբոսաշրջիկ, ապա 2026թվականի ապրիլին այդ թիվը կազմել է լ 172 705 զբոսաշրջիկ: Այսինքն, այս տարի գրանցվել է  39,6% աճ:  Այս մասին տեղեկացրել են ՀՀ զբոսաշրջության կոմիտեից։

Այս տարվա հունվար-ապրիլ ամիսներին Հայաստան է այցելել 625 843 զբոսաշրջիկ՝ նախորդ տարվա նույն ժամանակահատվածի 510 446-ի համեմատ. աճը կազմել է 22,6%։

Ընդ որում, 4 ամիսների ընթացքում Հայաստան ամենաշատ զբոսաշրջիկներ են ժամանել Ռուսաստանից՝ 245 178 (զբոսաշրջիկների ընդհանուր թվի 36%-ը), ինչպես նաև Վրաստանից՝ 93 123 (14%) և Իրանից՝ 48 450 (7%)։

Ի դեպ, 2025 թվականին ևս այս առումով գրանցվել է աճ: Ողջ 2025 թ․-ի ընթացքում արձանագրվել էր ավելի քան 2,26 մլն զբոսաշրջային այցելություն՝ նախորդ տարվա 2,21 մլն-ի համեմատ (աճը՝ 2,5%)։