Դատախազությունը խախտումներ է հայտնաբերել «Արարատցեմենտ»-ի առողջարանի ձեռքբերման գործընթացում և դիմել Հակակոռուպցիոն կոմիտե ու դատարան

Դատախազությունը պետական շահերի պաշտպանության լիազորությունների շրջանակում հայտնաբերել է մի շարք խախտումներ՝ կապված «Արարատցեմենտ» ՓԲ ընկերության կողմից առողջարանի ձեռքբերման գործընթացի հետ, այս մասին հայտնում է ՀՀ գլխավոր դատախազությունը։

Հայտնաբերված առերևույթ հանցանքի հատկանիշների հիման վրա, 2026 թվականի հունիսի 15-ին, դատախազը հանցանքի մասին հաղորդում է ներկայացրել Հակակոռուպցիոն կոմիտե։

Միևնույն ժամանակ, օտարման գործընթացում արձանագրված խախտումների արդյունքում Դատախազությունը հայցադիմում է ներկայացրել Վարչական դատարան՝ պահանջելով Արարատ քաղաքում գտնվող «Ոսկե բանալի» առողջարանի նկատմամբ «Արարատցեմենտ» ՓԲ ընկերության անվամբ կատարված սեփականության իրավունքի պետական գրանցումը ճանաչել առոչինչ։