Չեք կարող նզովել հայրենիքը, եթե անգամ ատում եք օրվա իշխանությանը, էս սահմանը չպետք է հատել.Գայանե Աբրահամյան

Այն ինչ այսօր ցուցադրվեց զորահանդեսին, որոշ բաներ նաեւ ավելին, տեսել էի նախորդ տարի, երբ վարչապետը, ՊՆ նախարարն ու ԶՈՒ շտաբի պետը ամենայն մանրամասնությամբ Հանրային խորհրդի անդամներին ներկայացրեցին ոչ միայն նոր ձեռք բերված սպառազինությունները, այլ նաեւ տեղական արտադրության նոր ձեռքբերումներն ու, իհարկե, ամրացված շրջանները, այսպես կոչված բունկերային առաջնագծերը։

 

Ես նախկինում` 15 տարի առաջ, լրագրող եղած ժամանակ եւս տեսել էի թե' մեր սպառազինությունները, թե' կանսերվայի բանկաներով <<զինված>> մեր խրամատները, որոնք որեւէ կերպ չէին կարող պաշտպանել մեր զինվորի կյանքը ու համեմատության նույնիսկ չնչին եզր չունեին այսօրվա ամրացված կայանների հետ, որոնք մարտ վարելու համար ամենապաշտպանված (նույնիսկ ավիառումբերին դիմակայող) կառույցներ են, որտեղ ամեն ինչ մտածված է այնպես, որ զինվորի կյանքը պաշտպանված լինի։

 

Որքան էլ կուրացնող լինի ձեր ատելությունը, սա չեք կարող չտեսնել, չեք կարող նզովել հայրենիքը, եթե անգամ ատում եք օրվա իշխանությանը, էս սահմանը չպետք է հատել։