Բացահայտվել է Գյումրու «Մայր Հայաստան» հուշահամալիրի վնասման դեպքը

Ոստիկանությունը բացահայտել է Գյումրու «Մայր Հայաստան» հուշահամալիրի հուշարձանների վնասման դեպքը։ Ձերբակալվել է 41-ամյա տղամարդը, որը խոստովանել է կատարածը։ Նախաքննությունը շարունակվում է։

Քրեական և Համայնքային ոստիկանության ծառայողները բացահայտել են Գյումրու «Մայր Հայաստան» հուշահամալիրի «Հերոս քաղաքների» հուշարձաններից ոսկեգույն տառերը պոկելու դեպքը, այս մասին հայտնում է ՀՀ ՆԳՆ ոստիկանությունը:

Օպերատիվ միջոցառումների արդյունքում ձերբակալվել է Գյումրի քաղաքի Մուշ 2 թաղամասի 41-ամյա բնակիչը,ով խոստովանել է կատարածը։

Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի համապատասխան հոդվածով, նախաքննությունը շարունակվում է։