Բաթումիում ընթանում է ծանրամարտի Եվրոպայի առաջնությունը

 Բաթում քաղաքում շարունակվող ծանրամարտի Եվրոպայի առաջնությունում ապրիլի 23-ը հագեցած մրցումային օր է լինելու Հայաստանի հավաքականի համար: Այսօր մեդալների համար կպայքարեն մեր երեք մարզիկները:

Երևանի ժամանակով 16:00-ին տղամարդկանց մրցաշարում պայքարի մեջ կմտնի Ռաֆիկ Հարությունյանը, ով ուժերը կչափի 88 կգ քաշային կարգում:

Ավելի ուշ՝ ժամը 19:00-ին, հերթը կհասնի կանանց. 77 կգ քաշայինների պայքարում Հայաստանի մարզական պատիվը կպաշտպանեն Աննա Ամրոյանն ու Ալինա Սուքիասյանը: