Բաքվում քննարկվել են Հայաստան-Ադրբեջան հարաբերությունները և TRIPP նախագիծը
Ապրիլի 8-ին Բաքվում Իլհամ Ալիևի և Ղազախստանի նախարարների հետ հանդիպման ընթացքում քննարկվել են Հայաստանի և Ադրբեջանի միջև հարաբերությունների կարգավորումների գործընթացը
Այսօր Ադրբեջանի նախագահ Իլհամ Ալիևը Բաքվում ընդունել է Ղազախստանի արտաքին գործերի նախարար Երմեկ Կոշերբաևին և տրանսպորտի նախարար Նուրլան Սաուրանբաևին։ Ինչպես հայտնում են ադրբեջանական ԶԼՄ–ները, հանդիպման ընթացքում կողմերը բարձր են գնահատել երկկողմ հարաբերությունների ներկայիս մակարդակը և դրանց զարգացումը տարբեր ոլորտներում։
Բացի այդ, քննարկվել է նաև Հայաստանի և Ադրբեջանի միջև հարաբերությունների կարգավորման գործընթացը, ինչպես նաև TRIPP նախագծի հնարավոր դերակատարությունը տարածաշրջանային համագործակցության և տրանսպորտային կապուղիների զարգացման մեջ։
Քննարկումների ընթացքում ընդգծվել է, որ Ադրբեջանն ու Ղազախստանը արդյունավետ համագործակցում են քաղաքական, տնտեսական, տրանսպորտային, լոգիստիկ, ներդրումային և էներգետիկ ուղղություններով։
Քննարկվել են նաև Միջին միջանցքի, Անդրկասպյան կանաչ էներգիայի միջանցքի և օպտիկամանրաթելային մալուխային նախագծերը՝ ընդգծելով Ադրբեջանի և Ղազախստանի հաջող համագործակցությունը այդ շրջանակներում։
Կարդացեք նաև
Տարածաշրջան16 սեպտեմբերի 2026
Ալիևի՝ Հայաստանի հասցեին վերջին հայտարարությունները չեն աջակցում խաղաղության օրակարգին. ԱԺ պատգամավոր Հասմիկ Հակոբյան
Հակոբյանի խոսքով՝ իշխանությունը երբեք չի պնդել, որ Հայաստանի և Ադրբեջանի միջև խաղաղության հասնելը հեշտ գործընթաց է լինելու։
Տարածաշրջան14 սեպտեմբերի 2026
Թուրքիայից Հայաստան արտահանումը հունվարից օգոստոս ամիսներին կազմել է 1,336,000 դոլար
Թուրքիան առաջին անգամ է պաշտոնական տվյալներ հրապարակում Հայաստան կատարված արտահանումների վերաբերյալ
Տարածաշրջան14 սեպտեմբերի 2026
Ադրբեջանական «պատմության» ֆիասկոն․ հայերեն արձանագրությունը փլուզեց Գանձասարը «աղվանական» ներկայացնելու փորձը
Գանձասարում հայերեն արձանագրությունը՝ պատմական աղավաղման անհարմար վկայություն։