Ավտոբուսի մասնակցությամբ վթար Նոր Գեղիում․ տուժածներ կան

Կոտայքի մարզի Նոր Գեղի բնակավայրում բախվել են թիվ 253 երթուղին սպասարկող «Zhongtong» մակնիշի ավտոբուսը, «BMW X5» և «Mazda» մակնիշի ավտոմեքենաները, հայտնում է shamshyan.com–ը` նշելով՝ վթարը եղել է 10:50-ի սահմաններում։

 

Վթարի հետևանքով 4 հոգի տեղափոխվել են տարբեր հիվանդանոցներ։

 

Նաիրիի քննչական բաժնում նախաձեռնվել է քրեական վարույթ, իրավապահները պարզում են վարորդների և տուժածների ինքնությունը։

 

Ավտոբուսն ու ավտոմեքենաները տեղափոխվում են ոստիկանության Նաիրիի բաժնի պահպանվող հատուկ տարածք։