Արսեն Հարությունյանը RAF-ում նորամուտը կնշի օլիմպիական չեմպիոնի դեմ գոտեմարտով

Նույն մրցաշարին կմասնակցի այդ թվում UFC-ի թեթև քաշային կարգի դասակարգման երկրորդ համար Արման Ծառուկյանը, որն ազատ ոճի ըմբշամարտի կանոններով կմրցի UFC-ի նախկին մարտիկ Թոնի Ֆերգյուսոնի հետ։

Ազատ ոճի ըմբշամարտի Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը RAF լիգայում նորամուտը կնշի հունիսի 13-ին, հայտնում է լիգայի մամուլի ծառայությունը։

Սենթ Լուիսում կայանալիք RAF 10 մրցաշարում 26-ամյա հայ ըմբիշը կմրցի Փարիզ-2024 Օլիմպիական խաղերի չեմպիոն, ճապոնացի Ռեյ Հիգուչիի հետ։