Առաջիկա օրերին՝ անձրև ու ամպրոպ, ջերմաստիճանը կնվազի, այնուհետև կբարձրանա 5-9 աստիճանով

Ապրիլի 28-ի ցերեկը, 29-30-ը, մայիսի 1-3-ը առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է կարկուտ, հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

Ապրիլի 29-ի գիշերը լեռնային շրջաններում տեղումները կլինեն թաց ձյան տեսքով։ Քամին՝ հարավարևմտյան,2-5 մ/վ, ամպրոպի ժամանակ սպասվում է նաև քամու ուժգնացում՝ 16-20 մ/վ արագությամբ։

Օդի ջերմաստիճանը ապրիլի 28-ի և 29-ի ցերեկը աստիճանաբար կնվազի ևս 2-3 աստիճանով, ապրիլի 30-ին և մայիսի 1-3-ը աստիճանաբար կբարձրանա 5-9 աստիճանով։